فطيرة الرز بالفراخ واللوز الطريقة التركية تستحق التجربة وصدور الفراخ فالفرن - أطبخي مع هالة ببساطة
مقادير الرز
كيلو رز
صدر دجاج
لوز
بصلتين مبشورين
ملح
فلفل اسود
زبده
مقادير الفطيرة
٢ كوب دقيق
بيضه
فنجان لبن صغير
ملح
فلفل اسود
ميه للعجن نص كوبايه
وعملت معاها صدرو فراخ فى الفرن تبلتها ببصل مبشور وطماطم مبشورة وقطع فلفل رومى وملح وفلفل اسود
وعالبوتجاز خدت غلوتين ودخلتها الفرن تكمل تسويتها
جربوها جميله وهتعجبكم ان شاء الله
طريقة لصدور الفراخ
جهزت ٣بصلات مبشورين على ٤ حبات طماطم مبشوره وضفت لهم ملح وفلفل اسود وعملت فتحات فى صدور الفراخ وتبلتها من جوه الفتحات وبره وضفت لها قطع الفلفل الرومى وعلى البوتجاز خدت غلوتين وبعدها دخلتها الفرن تكمل تسويتها.طريقه فطيره الرز
فى حله على النار حطيت معلقتين زبده كبار وحطيت اللوز ياخد تشويحه وبتبله بملح واخدت منه معلقتين علشان اضفهم فى قاع الصينيه وباقى اللوز ضفت عليه حوالى ٣ بصلات مبشورين وشوحتهم مع صدر الفراخ اللى قطعته مكعبات مع اللوز وضفت فلفل اسود وملح وفى المرحله ديه ضفت لهم الرز المنقوع لمده ساعه اقلب كل المكونات مع بعض واظبط ملحى واسيبه يستوى نصف تسويه علشان يكمل تسويته فى الفطيره انا عامله ٤ كوبيات رز ضفت ٣ ميه علشان زى ما قولتلكم عاوزاه نص تسويه هسيبه وابدء اعمل الفطيره هنعمل الفطيره .
اول حاجه هضرب البيضه بملح وفلفل اسمر علشان زفاره البيض وهضيف لها فنجان اللبن واعجن بيهم الدقيق ولو احتجت ميه هضيف لو محتجتش هكتفى بالسوايل البيضه واللبن هعجنها لحد ما تتكون معايا عجينه طريه واسيبها ترتاح وبعد كدا افردها بالنشابه واعمل فطيره وفى صينيه ادهنها سمنه واضيف اللوز اللى خدتهم وانا بحمر من تحت وافرد الفطيره فيها اهم حاجه متبقاش فطيره رقيقه تكون متوسطه واطلع الزوايد بره الصينيه علشان ديه هنقفل بيها على الرز هنا بقا هضيف قطع سمن بسيطه للفطيره وهاخد الرز بقطع الدجاج واللوز واضيفه عليها وابداء اقفلها واضيف قطع سمنه بسيطه وادخلها الفرن على درجه حراره ١٨٠° يارب تعجبكم ،
الطريقه عملى فى الفيديو في الصفحة التالية
↚
تسلّم ايدك
ردحذفقناه انا وبنتي