الفسيخ البيتي ب٣مكونات بس اعملي اسهل فسيخ - مطبخ الياسمين أكلات على قد الإيد
بمناسبه شم النسيم بقي كل سنة وانتم طيبين، انهاردة هعمل معاكم الفسيخ البيتي 
وصفه سهله وسريعه ومضمونه ميه في الميه وعن تجربه وامنه عليكي وعلي اسرتك وب٣مكونات فقط وهيطلع الذ واطعم وانضف من اللي هتشتريه من برة ومتعرفيش مصدره ايه لوجربتيه هتدعيييييلي.المقادير كالتالي
كيلو سمك بورى كبير وطاذة
١-نص كيس ملح٢-معلقة شطه حمراء
٣-معلقه كركم
ومتنسيش مناديل الورق وهقولك ليه
طريقة تحضير الفسيخ
نحضر السمك البوري ونغسله جيدا ونفتح الخياشيم تحت الماء ونغسلها جيدامن اي رمله وبعد مانغسله ننشفه كويس جدا من برة ومن جوا الخياشيم بفوطه ناشفه او مناديل وبعد كدا نحشي خياشيم السمك منالجانبين بالمناديل الورقيه بحيث كل جنب فيه منديلين لتتشرب كل سوائل السمكة
اللي هتنزل منها لما نتركها ليلة كامله وبعد كدا نوقف السمك علي راسه في وعاء بحيث يكون راسه تحت وذيله فوق علشان السوائل بتاعة السمك تخرج من اقرب فاتحه في السمكه وهي الخياشيم علشان كدا حشيناها بالمناديل ونتركها ليله كامله وتاني يوم ننزع المناديل من خياشيم السمك وهتشوفيها لونها احمر لانها امتصت جميع سوائل السمكه.
وبعد ذلك نمسك السمكه من ظهرها ونعملها عمليه مساج بسيطه نضغط علي ظهرها ضغطه بسيطه علشان ظهر السمكه يصبح طري ليتشرب الملح بسهولة وبعد ذلك نحضر خليط الملح والشطه والكركم ونضع منه في خياشيم السمكه من الجانبين ونضع منه في فم السمكه ونضع منه علي جسد السمكه من الخارج ثم نضع جميع السمك داخل كيس نايلون ونرش عليه بعض من خليط الملح بحيث يغطي السمكه كلها من الخارج ونلفه في اكثر من كيس نايلون ونضع عليه الاسترتش لنضمن حفظه جيدا
والخطوة دى مهمه جداونترك الفسيخ في مكان امن وليكن دولاب المطبخ ونتركه مده شهر لو مش مستعجله عليه او ١٥يوم لو مستعجله عليه في الحالتين هتلاقيه مستوي وطعمه يجنن وكل يوم لازم تقلبي الفسيخ علي جنب مختلف بحيث سوائله والملح تغطيه تماما والخطوة دي كمان مهمه وهتاكلي احلي واطعم وانضف فسيخ ممكن تاكليه ، وبالف هنا وشفا ليكم يارب.
شرح الفيديو عملي في الصفحة التالية
↚
الفسيخ البيتي ب٣مكونات بس اعملي اسهل فسيخ
فيديوهات أخرى لقناة مطبخ الياسيمين أكلات على قد الإيد
احلي سجق ممكن تاكليه بايد اسكندرانية سجق اسكندراني تحفة
لحمه فيليه علي الجريل_لحمه مشويه
مكرونه حمراء بالفراخ_مكرونه بالفراخ اسبايسي_اكلات سريعه
ان شاءالله قناتي فيها وصفات واكلات ومواضيع مختلفه
واكلات عزومات واكلات سريعه وحلويات وصوصات وسلطات مش حرماكم من حاجه
وفيها كمان اماكن مشتريات واسعارها وافضلها وفيها فلوجات وتحضيرات بتشجعكم ليا وتعليقاتكم
هستمر وهقدم الافضل والله الموفق والمستعان
ايه الحلاوه ديه مامت ساندي
ردحذفايوة بقي تسلم ايدك اناعبير مطبخ الياسمين اكلات علي اد الايد
ردحذفماشاء الله روووووعه بالتوفيق يارب ياعبير أختك ميرا الهنديه
ردحذفايوا بقا احلى فسيخ فى الدنيا فين نصيبى بقى🙊🙊
ردحذفايوا بقا احلى فسيخ فى الدنيا فين نصيبى بقى🙊🙊ايمان بيت الواحة
ردحذفمنورين كلكم
ردحذفربنا يوفقك يارب تسلم ايدم
ردحذفتسلم ايديكم يابنات
ردحذف