طريقة عمل الجمبري بطريقة أحلى من المحلات - قناة بيتي حياتي أم ياسين
حبيبتي عايزة تعملى جمبرى وجوزك واولادك يتهبلوا عليه وياكلوا صوابعهم وراه بتتبيله مميزة جدا وسهله خاالص وكمان من غير بهارات كتير هو نوع واحد من البهارات مفيش اسهل من كده وعن تجربه جوزى واولادى اتجننوا من طعم وحلاوه الجمبرى وانتى عارفه الرجال مش بيعجبهم حاجه خالص
وكمان هعرفك ازاى تنضفى الجمبرى بكل سهوله
المقادير
جمبري طماطم مكعبات بصل مكعبات فلفل رومى مكعبات فلفل حامى حسب الرغبه معلقه صغيره بهارات سمك معلقه صغيره ملح بقدونس مقطع صغير ليمونه زيتطريقه التحضير
اولا هنضف الجمبرى من الكيس الرملى اللى فى الظهر هنجيب سكينه وبطرفها نفتح ظهر الجمبرى الى اخر الديل هنلاقى حاجه رفيعه جدا بنسحبها بطرف السكينه هتطلع معاكى بيبقى لونه اسود كده هتعملى كل الكميه كده بعدين نحط الجمبرى فى حاجه غويطه ونشطفه بالماء كذا مره لحد ما ينزل اى رمله موجوده فيه وتلاقى الميه نضيفه خالص نحطه فى مصفى يصفى الميه .ثانيا : هنجيب بوله نضع فيها الطماطم والبصل والفلفل والبقدونس ومعهم الملح وبهارات السمك ونقلبهم كويس ثم نعصر الليمون عليهم ونشيل البذر منه عشان مش يمرر الاكل ثم نجيب الجمبرى ونضعه على باقى المكونات.
هنقلب كويس عشان يمتزج المكونات مع بعض ثم يوضع فى الثلاجه نصف ساعه عشان الجمبري يتبل كويس ثم نخرجه من الثلاجه ونضع على البوتاجاز مقلاه تيفال او اى نوع غير لاصق ونضع قليل من الزيت بمقدار ربع كوب زيت يسخن جاامد ثم ننزل بالجمبرى عليه ونقلب لمده 10دقائق فقط .
تقليب سريع هتلاقى لونه اتغير بقى احمر هتلاقيه نزل الميه بتاعته وشربها تانى متزوديش مده السوا اكتر من كده عشان يبقى مستوى حلو ومحتفظ بالسوايل بتاعته وتنطفى عليه ويبقى كده عملتى احلى والذ جمبرى مشوى ممكن تاكليه وتقدميه جمب ارز بالبصل وبالف هنا وشفا.
فيديو الوصفة عملياً في الصفحة التالية
↚
طريقة عمل الجمبري
المصدر
احلي جمبري نسلم ايدك
ردحذفقناه انا وبنتي
تسلم ايديك.احلى جمبرى دة ولا اية😍😍
ردحذف