طريقة من قناة زاد العلم والمعرفة النهاردة هنعمل فكرة جنان ببلاش..هنفرح بيها أولادنا بمناسبة دخول شهر رمضان المبارك علينا ،طبعا كلنا عندنا كتب قديمة اكيد طيب هناخد ٤ كتب قديمة من اللي عندنا بتوع ولادنا.
المكونات
٤ كتب
٢ شريط ستان
المقص لقص الخيط
الطريقة
١: هنجيب كل كتاب لوحده وهنبتدي بسم الله
٢: هنطبق صفحة نصين مستقيمه والصفحة اللي بعدها نمسك طرفها ونطبقها مثلثه واللي بعدها مستقيمة واللي بعدها مثلثة لحد ما نخلص ال ٤ كتب بالشكل ده
كده بقي عندنا ٤ كتب جاهزين
٣: هناخد كل كتابين نلزقهم مع بعض قصاد بعض.. بس طبعا مش هنا قهم بلزق لا نحطهم في وش بعض وبخيط متين نربطهم من النص مع بعض.. وهكذا الكتابين الباقيين
٤: بعد كده ناخد اول كتابين مربوطين مع بعض وثبتهم أقدامنا والكتابيتن التانيين زي ماهما مربوطين نحطهم علي الكتابين الأولين..
٥: وبعد كده نربط اللي فوق مع اللي تحت كويس ونعمل من نهاية الخيط فوق حلقة اكبر من لضمة الابره عشان نعلق الفانوس منها في اي مكان تحبيه في الشقة او ممكن تحطيه عالسفرة.. علي الترابيزة عالارض في ركن كده بيبقي جميل
٦: وبعد كده هنربط شريط الستان من وسط الفانوس من فوق فيونكة ونربط الشريط التاني من تحت فيونكة
وخلاص بكد نكون خلصنا احلى فانوس لرمضان وكل رمضان وانتو بخير وسلام.
شاهدوا الطريقة بالفيديو في الصفحة التالية
↚
تعليقات: 0
إرسال تعليق