النهارده هنعمل كحك ناعم جداً وحلو جداً مش هتبطلو تعملوه انا عارفه ان انتو هتقولو ايه ده بتعملي كحك دلوقتي احنا بنحضر ف حاجات رمضان ..انا بعملو ف اي وقت الصراحه من ساعه ما عرفت اعمله ،وبعدين انا مبحضرش حاجه لرمضان خالص الحاجه بتبقى موجوده ف السوق والوقت طويل جداً الواحد محتاج يحضر نفسه شخصياً لرمضان.
مقادير الوصفة
هعمل كيلو كحك ف هستعمل كيلو دقيق
٣ كوبايات سمنه
(٢ سمنه بيضا و ١ صفرا) كريستال يفضل تستخدمي سمنه بلدي
٣ معالق كبار سمسم
٢ معالق كبار نشا
١ معلقه كبيره ريحه الكحك
رشه ملح
٤ معالق مايه دافيه + نص معلقه خميره +معلقه صغيره سكر
كميه المايه لازم تكون قليله عشان الكحك يطلع ناعم معانا
معايا كمان عجوه مدهونه بزبده ومرشوشه بشويه سمسم،نعملها كور صغيرة.
*الخطوات *
١-قدح السمنه ودي اهم خطوه *قدح السمنه بمعنى انها تكون سخنه جداً
انا هنا ي بنات بستخدم عجانه انتي ممكن تعمليها من غير عجانه ...
٢-بنحط كيلو الدقيق وعليه رشه الملح وعليهم النشا و اقلبهم كويس ف بعض الاول
٣- نعمل زي حفره صغيره ف نص الخليط و احط فيها السمسم وريحه الكحك
٤- احط السمنه بعد ما تقدح على السمسم وريحه الكحك ..الطشه دي هي اللي بتعمل الريحه والطعم
**يعتبر كده الكحك خلص بس هنسيببه يهدى شويه والخميره احطها اخر حاجه
٥-اقلبهم كويس اوي مع بعض
٦ -بعد ما يبردو احط عليهم الخميره واقلبهم
سهل جداً وسريع
احضر بقى الصاج بتاعي واحط فيه ورق زبده
*اهم خطوه لازم تشتغلي فيها وهي دافيه مش وهي بارده *
اعمله على هيئه كور على حسب الحجم اللي تحبيه
* اشغل الفرن على ١٨٠ *
انا معنديش ختامه ولا منقاش ف ممكن استخدم الاشكال البلاستيكيه دي او ممكن يتعمل عادي من غير شكل
٧- احطه ف الفرن على ١٨٠ مش هياخد اكتر من ١٠ دقايق
زي ما شوفنا كده سهل وسريع وناعم جداً ..جربوا الطريقه وهتعجبكم جداً ومش هتندموا
ودلوقتي مع فيديو الوصفة هتلاقوه في الصفحة التالية
↚
الكحك الناعم جداً
فيديوهات أخرى من قناة أنا وبنتي
الحواوشي الجبار
القرص الطرية
بوريك بالجبنة زي الأفران
محشي الورق عنب
حبيبه قلبي انا وبنتي فعلا حاجه تحفه ربنا يوفقك يا قلبي مامت ساندى
ردحذفمبسوط جداً بمتابعة حضرتك لينا ولكل أصدقائك
ردحذفتسلمي يا حبييه قلبي يا مامت سنادي
ردحذف