وصفات دودي
طبعا كلنا بنزهق من الاكل المعروف بنحب نجدد ونزهق فبنطلب تيك اوي ،
طيب ايه رأيكم نجيب التيك اوي من مطبخنا ونعمل بنفسنا ، تعالوا نعمل النهارد
تشاينيز فود ، هنعمل أكلة اسمها " الكانتون " تعالوا نشوف المقادير
وهنعملها ازاي .
المقادير :
-نصف كيلو فراخ بانية .
-بصلة كبيرة .
-فلفل ألوان .
-جزرة كبيرة .
- نصف كوب كسبرة خضراء .
- مكعب مرقة دجاج .
- ملعقة كبيرة صويا صوص .
- معلقة كبيرة خل .
-2 معلقة كبيرة كاتشب .
- 2 معلقة كبيرة نشا .
-ملح وفلفل أسمر وبهارات ( بابريكا ، شطة ، ثوم بودر ، بصل بودر ،
كاري ، جنزبيل ) .
- 2 كوب ماء .
الطريقة :
اول حاجة هنعملها هنقطع صدور الفراخ لمكعبات ونحضر طاسة او حلة تيفال
وهنحط فيها شوية زيت على نار عالية وننزل بالفراخ عليها ومعاها البهارات والملح
والفلفل وهنقلب لحد ما تدخل على سوى ، وهي على النار هنكون جهزنا البصلة وقطعناها
شرائح هي والفلفل الالوان وبشرنا الجزر ، هنشيل الفراخ من الطاسة وهننزل في نفس
الطاسة بالبصل يدوب يتشوح وننزل بعده بدقيقة بالفلفل الالوان ونقلب وبعده بدقيقين
الجزر.
كملوا الوصفة في الصفحة التالية وشوفوا فيديو الطريقة وبالهنا على صحتكم .
↚
هنقلب 3 دقائق على نار عالية ومش عاوين الخضار يستوي أوي هنزود عليه مكعب
مرقة الدجاج وننزل عليهم بمعلقة الخل ومعلقة الصويا صوص ويفض تكون النوع الفاتح مش
الغامق ، ونضيف معلقتين الكاتشب ونقلب كويس أوي ونضيف الكسبرة الخضراء المفرومة كل
ده هتكون النار متوسطة مش عالية أوي عشان عاوزين الخضار بيقطم شوية ، هنضيف الفراخ
المكعبات معاهم اللي سبق وحمرناها .
كده
فاضل اخر خطوة هنجيب طبق كبير وندوب معلقتين النشا في 2 كوب مايه وبعد ما نتأكد
اننا دوبناهم كويس أوي هننزل بيهم على باقي الوصفة وتكون النار عالية وهنفضل نقلب
عشان نضمن ان النشا متكتلش معايا ولحد ما كل الوصفة تندمج مع بعضها ونهدي النار
ونسيبها 5 دقائق ونتابعها ، أفضل حاجة تقدميها مع الاكلة الجميلة دي الارز البسمتي
الاصفر ، والف هنا وشفاء مقدما وصحتين على قلبكم .
تعليقات: 0
إرسال تعليق