وصفات دودي
الصيف جاي وكلنا بنزهق من الاكلات التقليدية
والطبخ طبعا ، الوصفة دي بقى لمحبي الفراخ بالمشروم ومحبي التجديد اللي بيحبوا يجددوا فيها
كل شوية بشكل مختلف ، مقاديرها بسيطة وهي سهلة جدا وسريعة جدا .
المقادير :
-نصف كيلو صدور بانية .
- خضار مشكل (جزر ، بسلة ، مشروم ، بطاطس ) نصف كوب من كل
نوع يكون مكعبات.
- 1 بصلة و4 فصوص ثوم .
- معلقة واحدة دقيق .
- زبدة وزيت ذرة.
- 3 كوب لبن .
- ملح وفلفل وبهارات .
- مكعب مرقة دجاج .
الطريقة :
هنتبل صدور الدجاج بالملح والفلفل والبهارات
وشوية زيت ، هنجيب طاسة تيفال كبيرة شوية او حلة تيفال وننزل فيها بقطع الزبدة
وننزل عليهم بصدور الفراخ ونقلبهم على الوجهين لحد ما تستوي ، هنشيل الصدور من
الطاسة وننزل مكانها بالخضار وونقلب فيه واول ما يدخل على السوى ننزل عليه بالبصل
والثوم ومكعب مرقة الدجاج وشوية ماية صغيرين اوي عشان يتم السوى بالكامل وننزل
عليهم بمعلقة دقيق ونقلب وبعدين ننزل عليهم باللبن هنستنى لحد ما ياخد غلوتين
تلاتة وبعدين ننزل عليهم بالصدور وهنسيبهم 10 دقائق على النار عشان نوصل للقوم
اللي عاوزينه للصوص ، هنرفعه من على النار ونقدمه مع الارز الابيض او الارز المبهر
، والف هنا وشفاء وصحتين على قلبكم .
كملوا في الصفحة التالية علشان تعرفوا طريقة عمل الأرز المبهر.
↚
مقادير عمل الارز المبهر :
-2 كوب ارز مصري .
-2 كوب ماء .
- ملح بهارات ( بابريكا ، جنزبيل ، ثوم بودر
، بصل بودر ، ورق لورا وحبهان ، بهارات فراخ).
- 3 معالق زبدة .
الطريقة :
نجهز حلة تيفال على النار وننزل فيها بالزبدة
والتوابل وهنقلب فيهم لحد ما نشم ريحة التوابل ننزل عليهم ب2 كوب ارز مصري ويكون مغسول كويس جدا ومتصفي من الماية ، نقلب
فيهم كويس 5 دقائق على النار ننزل عليهم ب2 كوب ماية وتكون مغلية ومعلقتين ملح
ونقلبهم ونسيبة لحد م يتشرب الماية ونهدي النار عليه لحد ما ستوي على الاخر طبعا
هنتابعه ونقلبه مرة او اتنين ، الارز ده ممكن تقدميه مع انواع كتير من الاكلات زي
السجق والكبدة والفراخ ، والف هنا وشفاء وصحتين على قلبكم .
تعليقات: 0
إرسال تعليق