وصفات دودي
الوصفة دي مش مصرية دي باكستانية ، فراخ باكستاني ، حلوة اوي اوي وعجبت كل اللي اكلها عندي ومختلفة شويتين وهنعمل جنبها ارز باسمتي بالخلطة وصوص تحفة .
الوصفة دي مش مصرية دي باكستانية ، فراخ باكستاني ، حلوة اوي اوي وعجبت كل اللي اكلها عندي ومختلفة شويتين وهنعمل جنبها ارز باسمتي بالخلطة وصوص تحفة .
المقادير
اولا مقادير الفراخ :
-فرخة كيلو ونص تقريبا مغسولة وخلية من الجلد
ومقطعة لاربع اجزاء او اكتر حسب التعود او الراحة .
- 4 وحدات بصل مفروم.
- معلقة ثوم مفروم .
- كوب بقدونس مفروم .
- نصف كوب فلفل رومي مفروم .
- 2 كوب عصير طماطم.
- 3 معالق صلصة .
- 2 مكعب ماجي .
- ملح و بهارات ( ثوم ، بصل ، بابريكا ، كاري
، جنزبيل ، فلفل اسمر ، كمون ، بهارات فراخ )
- زيت
الطريقة :
هنجيب حلة كبيرة هننزل فيها بالزيت وعليه
البصل والثوم وهنقلب كويس لحد ما نوصل للون الذهبي وهننزل عليه بالفلفل الرومي
ونقلب كويس لمدة دقيقة وننزل عليهم بعصير الطماطم والصلصة والبقدونس ومكعبين
الماجي والبهارات ونظبط الملح وهنكون مجهزين الفراخ هنزلها في الخلطة اللي عملناها
ونغطي الفرخة كويس جدا بالخلطة، هنقفل عليه الحلة ونتابعها لحد ما تستوي ونرفعها
من على النار ونرصها في صينية او طاجن وندخلها تحت الشواية لحد ما وشها يحمر والف
هنا وشفاء وصحتين على قلبكم .
اضغطي على التالي علشان تعرفي مقادير الأرز والطريقة ومقادير الصوص اللذيذ .
↚
اضغطي على التالي علشان تعرفي مقادير الأرز والطريقة ومقادير الصوص اللذيذ .
↚
مقادير الارز :
-كيلو ارز بسمتي .
- 3 حبات بصل .
- كوب جزر مبشور .
- 2 معلقة كبيرة صلصة .
- مكعب مرقة دجاج .
- زيت .
- ملح وبهارات ( بابريكا ، كاري ، فلفل اسمر
) .
- ماء .
الطريقة :
هنجيب حلة يفضل تيفال وهننزل بالزيت ونستى
لما يسخن شوية وبعدين ننزل عليه بالبصل
ونقلب فيه لحد ما يذبل خالص وننزل عليه
بالجزر المبشور ونقلب فيه لمدة 5 دقائق على النار وبعدين نضيف الصلصة والبهارات
والملح ومكعب مرقة الدجاج وننزل على
الخليط بالارز مع التقليب المستمر لمدة 5
دقائق وبعدين هنضيف الماية ونقلب كويس اوي و نغطي الحلة ونسيبها على نار متوسطة
لحد ما الارز في يبداء يستوى وبعدين نهدي النار عليه ونتابعه لحد ما يستوي تماما
ونرفعه من على النار وبالف هنا وشفاء
مقدما وصحتين على قلبكم .
مقادير الصوص :
-معلقة ثوم مفروم.
- 2 حبة طماطم .
- حبة فلفل رومي .
- عصير ليمونة .
- ملح.
الطريقة :
مفيش اسهل من الصوص ده هنحط الطماطم والثوم
والفلفل والملح والليمون في الكبة وهنضربهم مع بعض وننزلهم في طبق التقديم ، وعلى
الوش شوية زيت ذرة والف هنا وشفاء مقدما وصحتين على قلبكم .
تعليقات: 0
إرسال تعليق